Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Estratexia Metropolitana da Área Metropolitana da Coruña

Elaboración de Estratexia DUSI

DUSI

Elaboración dunha Estratexia DUSI para a Área Metropolitana da Coruña

Finalizado o prazo da primeira convocatoria das Estratexias de Desenvolvemento Urbano Sostible Integrado (EDUSI), constátase un excelente clima de entendemento e un explícito desexo de traballo en colaboración e estreita cooperación.

Débese valorar a importancia de que se visualizase esa capacidade de cooperación e colaboración baseándose na preparación dunha estratexia DUSI conxunta, que permita á Área Metropolitana da Coruña (AMAC) articular un proxecto común de desenvolvemento metropolitano.

Derivado da dispoñibilidade da existencia dunha Estratexia DUSI, a AMAC tería un conxunto de proxectos que situaría a área fronte á posibilidade de formalizar diversas candidaturas a convocatorias de múltiples fondos de financiamento: FEDER, FSE, IDAE, Horizon 2020 etc., fondos e subvencións da Administración Xeral do Estado, da Xunta de Galicia e/ou da Deputación Provincial.

Obxectivos de acción mancomunada

  • A construción metropolitana require unha estratexia consensuada e compartida; require proxectos en común, exemplos nos que a cidadanía participe activamente e visualice como se alcanzan acordos políticos de medio e longo prazo (mesmo máis aló dos mandatos corporativos).
  • A dispoñibilidade dunha estratexia DUSI é un obxectivo en si mesmo se existe a vontade de conseguila e de executala.
  • Unha resultante, nun curto prazo, podería ser presentar un "Proxecto Integral de Rexeneración Urbana da contorna litoral da Área Metropolitana da Coruña". Ese extraordinario patrimonio esténdese ao longo de Betanzos-Bergondo-Sada (na ría de Betanzos-Sada) a Oleiros-Cambre-Culleredo-A Coruña (á ribeira da ría do Burgo) ata Arteixo (unindo Bens e Sabón), podería ser o obxectivo principal dun novo traballo colectivo cuxos beneficiarios son os máis de 417.000 cidadáns e cidadás da Coruña e a súa área metropolitana. Os concellos do interior tamén poderán ter perfecta cabida nesta estratexia, integrando actuacións vinculadas á "Reserva da Biosfera das Mariñas Coruñesas e as Terras do Mandeo" e ao desenvolvemento de Carral.

Plan de acción

  • Elaboración proxecto EDUSI Metropolitana.
  • Elaboración dun proxecto fundamentado en elementos de rexeneración: zonas verdes, culminar e enlazar paseos litorais, culminar o carril bici metropolitano e rexenerar, con criterios de calidade urbanística, espazos públicos en todas as zonas máis próximas á liña litoral. Cada concello definiría as actuacións no seu propio ámbito territorial e trataríase de darlles coherencia no marco dunha actuación de carácter conxunto a través das formulacións da EDUSI Metropolitana.

Calendario proposto

Elaboración proxecto EDUSI Metropolitana. Xullo 2016

Actas

Acta da reunión do 19 de maio de 2016

Fases DUSI

Que che parece esta sección?

-105-105-105

  • Concello da Coruña
  • Logotipo do Concello de Abegondo
  • Logotipo do Concello da Coruña
  • Logotipo do Concello de Arteixo
  • Logotipo do Concello de Bergondo
  • Logotipo do Concello de Betanzos
  • Logotipo do Concello de Cambre
  • Logotipo do Concello de Carral
  • Logotipo do Concello de Culleredo
  • Logotipo do Concello de Oleiros
  • Logotipo do Concello de Sada
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

?

Iniciar sesión