Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Estratexia Metropolitana da Área Metropolitana da Coruña

  • Inicio

Estratexia territorial

foto da alcaldesa da Coruña, Inés Rey

Hoxe en día, máis de dous terzos da poboación europea viven en zonas urbanas. As cidades, no seu sentido amplo, son lugares onde xorden problemas e se encontran solucións. Son un terreo fértil para a ciencia e a tecnoloxía, para a cultura e a innovación, para a creatividade individual e colectiva, e tamén para mitigar o impacto do cambio climático. As cidades son tamén lugares onde se concentran problemas como o desemprego, a segregación e a pobreza.

Sen o compromiso das cidades, os principios do desenvolvemento sustentable e o mantemento dos niveis de benestar e de calidade de vida no planeta son inviables. Os gobernos locais deben impulsar a sociedade civil sobre a base dun traballo en rede, participativo e interactivo.

As áreas metropolitanas están a configurarse hoxe en día como escenarios nos que se manifestan as dinámicas sociais, culturais e políticas. A economía do coñecemento e a sociedade en rede aumentan o poder de atracción destas áreas metropolitanas para as persoas e as actividades. Desde a década dos noventa revitalizouse, especialmente en Europa, o debate sobre a necesidade da reorganización institucional destes espazos, a partir dos gobernos metropolitanos creados na súa maioría desde os anos sesenta.

Hai que ter clara a diferenciación entre o que consideramos área urbana e o que cremos que é a rexión urbana. A área urbana é aquel armazón de base territorial que mantén unhas relacións extraordinariamente dinámicas de funcionalidade no social, no económico, na mobilidade, no transporte, na recuperación ambiental e da biodiversidade, na xestión conxunta de servizos (como os residuos ou o ciclo integral da auga) etc. O concepto de rexión urbana, en cambio, ten relación cun espazo territorial máis amplo, cunhas relacións funcionais doutro nivel e doutras características.

Desde este concepto, a Área Metropolitana da Coruña (AMAC):

  1. significa intentar crear unha base económica moderna, eficiente, en expansión e diversificada
  2. significa intentar desenvolver un novo marco competencial local en (entre outros): emprego, promoción económica, turismo, promoción cultural, auga e xestión e tratamento de residuos, ordenación territorial e cooperación urbanística (costa e litoral), transporte e mobilidade, infraestruturas de interese metropolitano, e planificación estratéxica (PTI, PMUS, Axenda Dixital-AE etc.).

As persoas que estamos á fronte das institucións temos o deber ineludible de traballar a favor do futuro do noso país e das súas xentes. Conseguir construír un espazo equilibrado, de xustiza social e sustentable ambiental e economicamente é o reto de todas e todos.

Inés Rey García. Alcaldesa da Coruña

  • Concello da Coruña
  • Logotipo do Concello de Abegondo
  • Logotipo do Concello da Coruña
  • Logotipo do Concello de Arteixo
  • Logotipo do Concello de Bergondo
  • Logotipo do Concello de Betanzos
  • Logotipo do Concello de Cambre
  • Logotipo do Concello de Carral
  • Logotipo do Concello de Culleredo
  • Logotipo do Concello de Oleiros
  • Logotipo do Concello de Sada
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?